Carane Ngorain Nyame Yen Irage Ngelah Gae

Akriko.com - Om Swastyastu semeton, kenken kabare, dumogi setate kenak rahajeng lan rahayu sinareng sami.

Adane den nak Bali jug be pasti liu ade kegiatan agama dan adat atau upacara ane melibatkan anak liu ulian gaene gede.

Yen di desan tiange di Tamblang ade beberapa acara atau upacara ane melibatkan jelemo liu terutama upacara ane sube terencana, misalne acara nelu bulanin atau acara lenan ane liu perlu tenaga nyame.

Biasane ane gede gaene to pas mejejaitan, metanding banten dan paling sibuk saat meebatan di hari H atau ngelawar ngae sarana banten lan ajengan.

Yen di Tamblang yen ngelah gae keto terutama gae suka, biasane H-3 bo ngorain nyame lakar ajak meragatang gae baik ne luh atau ane muani.

Biasane ane luh metanding banten H-1 atau H-2 yen ane lanang palingan hari H den sibuk membat ngelawar ajak nyate.

Nah waktu ne ade nak ngelah gae, carane ngorai n nyame to care nak sing seken kenehne ngorain nyame, care ke tenaga irage to jug disepelekan.

Nah kenken sebenehne carane ngorain nyame kel ajak nyemak gae care keto apang ye sing merase tersinggung ulian rage pelih carane ngorain.

Nah ne yen menurut pengalaman akene ngorain nyame lakar ngelah gae, care kene carane.

Ngorain nyamane bahwa irage lakar ngelah gae biasane H-3 termasuk ngaturin / ngulemin ulun desa ( pemangku, kubayan dll) yang akan muput gegaene.

Saat ngorain nyame to, alih mulihne jeg sekenang ngorain bahwa irage perlu aja tenaga, waktu ne ye, dadine keneang carane ngomong.

"Icang teke mai lakar ngidih pengerestu kayange bin telun, icang lakar nelu bulanin pianak icange, nyanan selanang gati bo waktu bapane/memene kayange to, tulungin mragatang gaen icange kayange to, pang gaene lancar upacara memargi antar."

Nah intine seperti itu, yen di awal di akhir misi basa basi, silakan sesuaikan den ajak kondisi saat to.

Nah seumpama ane kel orain joh ngoyong, jani jaman suba canggih, dadi ngorain via telpon, tetep bahasane harus seken-seken ngorain, ape buin anak ngoyong joh ane orain.

Yen seumpama kuane alih mulihne tapi tepuk dijalane pas lakar ngorain, kene carane ngorain "pak lakar kijo? Icang kuane melali mulih kel ado oraang? yen umpama ye nyak balik mulih alangkah luungne, jumah langsung orain.

Misalne ye sing nyak mulih, tondeno ditu bo ngorain, nah ditu bo orain tapi tetep do misi kata kebetulan, orain patuh carane care beduur. Nah misalne be suud ngorain, takonang trus ane luh ne, dijo posisine jumah ape dije? yen jumah oraang be kel kemu kel ngorain apang maan masih mulih ngorain.

Yen bange mulih syukur, mun sing bange, cukup bape den ngorain memene, keto misalne jawabane, do be kemu cukup oraang den makasi dan de engsap ngorain meme, keto den beres bo.

Kenape irage harus seken seken ngorain, karna apang iye merasa di hargai, pang iklas masi ye maang pengerestu, karna ye to pasti lakar ngutang gae, korban waktu dan tenaga dan materi saat nulungin / ngerestuin / nyemak gae irage.

Nah bandingkan dengan cara ane kene ngomongne 

"Kebetulan tepuk icang bapa/meme dini, icang lakar ngidih pengerestu kayange bin telun, icang lakar nelu bulanin pianak icange, yen bapa/meme ade waktu nyanan tulungin mragatang gaen icange kayange to, pang gaene lancar upacara memargi antar."

Memang bahase bo luung tapi karna misi nganggo kata Yen jak kebeulan, to mekade anake ngorain ngenah sing tulus, anake orain ko bise masi merasa tersinggung yen keto carane ngorain.

Ade beberapa hal ane mekade anake merase tersinggung atau salah paham saat ngorain anak.

1. Ane care beduur nganggo kata yen ade waktu yen sempat, jug be pasti len tanggapan ane orain. Bise sing tekaine acarane karna sing sempat atau memang sengaja karna carane ngorain be pelih uli awal.
2. Ngorain sing di H-3 ngorainne be paak-paak acara (mendadak) nah ne mekade masi anake tersinggung atau salah paham ape buin nyame paak.
3. Ngorainne di jalane pas kebetulan tepuk, yen sing tepuk bisa sing oraine, keto dadine anake orain mekeneh. Makane sekenang ngalih mulihne.

Akhir kata do engsap nunas pengampura ped prade ade ne pelih bakat ngoraang pas ngorain nyame. 

Nah to gen be malu tuture jani, mani manian pang sing pelih bin carane ngorain, pang ngelah iraga etika, tata krama jak sopan santun dadi jelema.

Nah yen ade ane kuangan dadi tambahin di kolom komentar, matur suksma Om santhi santhi santhi om.

Kriana Saya hanya orang yang menyempatkan diri untuk menulis tentang apa saja ketika saya sempat menulis, untuk diri sendiri maupun informasi untuk orang lain

Berbagi :