Ngumpul Jak Timpale Ngomong Ajak HP

Akriko.com - Selama ne kasal nulis di blog pasti nganggo bahasa Indonesia, nah jani lakar coba nulis di blog nganggo basa bali ane biase, ane anggo sewai-wai terutama bahasa buleleng. Nah ane kel bahas ne tulisan lama, suba taen tulis tahun 2015, nulih tentang HP pada zamanya.

Jamane jani sube canggih ajinan nganggo hp den be ngidang internetan tur ane lenan. Uli pidan hp to fungsine nak anggo nelpon atau smsan den, tapi ulian gumine be canggih bek jeleme ane dueg, hp ne dadi anggo megenepan.

Yen jani ngelah pis 1 jutaan den bo ngidaang meli HP canggih, misalne den hp android, bek misi fitur ditu uli kamera, ningehang lagu, internetan, WA, email, browsing, tur ane lenan. Makane ulian hpne bo canggih tingkah lakune masi berubah.

Jani anak SD den be bise nganggo hp canggih, bise kalaange tua-tuane ken panakne yen masalah nganggo hp. Jani anake ngelah hp tujuane pade len, ade memang untuk sms lan nelpun (komunikasi) ade masi anggo megae ade masi sekedar gaya.

Adane teknologi pasti ade segi baik ade segi positifne, rwabineda to pasti ade. Uli segi positifne bek masi, pidan internetan minimal lewat komputer jani lewat Hp bo ngidaang, ipidan video call lewat komputer, jani lewat HP bo ngidaang, pidan ngirim email harus lewat komputer jani lewat HP bo ngidaang tur ane lenan nu bek sajan. Intine gegaene dadi lebih aluh, uli dije den ngidaang jemak gaene.

Biasane ane LDR atau mekabakan jarak joh sesai nganggo fasilitase to, misalne kurnane atau kabakne megae di kapal pesiar jani aluh gati ngirim kabar, bahkan real time tawang kabare, misalne dengan video call, atau pesan suara tur ane lenan via aplikasi WhatsApp (WA).

Tapi yadiastun bek fungsine ane luung, nanging ade masi ane jelekne, nah coba tolih pas ngumpul jak timpal, ape buin mekejang ngabe hp, pasti lebih sai ningalin HP ne dari pada ngomong atau nutur jak timpalne. Sebenehne sube liu gati ade tulisan ane membahas masalah ne. Ne ake ngelah potrekan terkait masalah ane kene.

Ade anak ngorahang, nu adenan engsap ngabe dompet dari pada engsap ngabe HP, berarti HP to lebih penting jak pipis atau ulian HP, ane joh dadi paak ane paak bise dadi joh, nah ane kene bo takutin, ye ngumpul jak timpal tapi HPne jak nutur.

Kadang teknologi bise merubah sikap dan budaya. Lenan ken to, kadang ngantre, ye lebih asik main HP dari pada ane lenan, mace buku mungkin atau nutur jak ane sebelahne. Ane lenan bin masalah selfie, pas melali kije mungkin ajak didian, ulian ade HP jak tongsis dadine sing perlu jak nak len yen nyemak foto. Apo bin nah? Jani tergantung irage den, gunakan smartphone secara bijak, suksma.

Kriana Saya hanya orang yang menyempatkan diri untuk menulis tentang apa saja ketika saya sempat menulis, untuk diri sendiri maupun informasi untuk orang lain

Berbagi :